Xəbərlər

.ETİHİ Yardımlı rayon komitəsi tərəfindən 1 iyun – Uşaqların Beynəlxalq Müdafiəsi Günü münasibətilə tədbir keçirildi

1 iyun – Uşaqların Beynəlxalq Müdafiəsi Günü münasibətilə tədbir keçirildi

ETİHİ Yardımlı rayon komitəsi tərəfindən 1 İyun – Uşaqların Beynəlxalq Müdafiəsi Günü münasibətilə rayonun uşaq bağçalarında bayram tədbirləri təşkil olundu. Tədbirin keçirilməsində əsas məqsəd uşaqların sevincinə şərik olmaq, onların hüquq və mənafelərinin qorunmasının vacibliyini bir daha diqqətə çatdırmaq idi.

Tədbir zamanı uşaqlar şeirlər söyləyib, mahnılar ifa edib, müxtəlif maraqlı çıxışlarla iştirak edərək bayram əhval-ruhiyyəsi yaşadılar. Onlar üçün əyləncəli proqramlar təşkil olundu, uşaqların asudə vaxtlarının səmərəli və maraqlı keçməsi təmin edildi.

Sonda ETİHİ Yardımlı rayon komitəsi tərəfindən uşaqlara hədiyyələr təqdim olundu, onlara sağlam, xoşbəxt və firavan gələcək arzulanıb. Bayram tədbiri uşaqların böyük sevincinə səbəb olmuş, iştirakçılarda xoş təəssüratlar yaratmışdır. Uşaqların simasında ölkəmizin gələcəyinə göstərilən diqqət və qayğının bariz nümunəsi bir daha öz əksini tapmışdır.ETİHİ Yardımlı rayon komitəsi tərəfindən 1 İyun – Uşaqların Beynəlxalq Müdafiəsi Günü münasibətilə rayonun uşaq bağçalarında bayram tədbirləri təşkil olundu. Tədbirin keçirilməsində əsas məqsəd uşaqların sevincinə şərik olmaq, onların hüquq və mənafelərinin qorunmasının vacibliyini bir daha diqqətə çatdırmaq idi.

Tədbir zamanı uşaqlar şeirlər söyləyib, mahnılar ifa edib, müxtəlif maraqlı çıxışlarla iştirak edərək bayram əhval-ruhiyyəsi yaşadılar. Onlar üçün əyləncəli proqramlar təşkil olundu, uşaqların asudə vaxtlarının səmərəli və maraqlı keçməsi təmin edildi.

Sonda ETİHİ Yardımlı rayon komitəsi tərəfindən uşaqlara hədiyyələr təqdim olundu, onlara sağlam, xoşbəxt və firavan gələcək arzulanıb. Bayram tədbiri uşaqların böyük sevincinə səbəb olmuş, iştirakçılarda xoş təəssüratlar yaratmışdır. Uşaqların simasında ölkəmizin gələcəyinə göstərilən diqqət və qayğının bariz nümunəsi bir daha öz əksini tapmışdır.

ETİHİ Yardımlı rayon komitəsi tərəfindən Qurban bayramı münasibətilə şəhid ailələrinin üzvlərinə maddi dəstək göstərilmişdir.

ETİHİ Yardımlı rayon komitəsi tərəfindən Qurban bayramı münasibətilə rayonun təhsil müəssisələrində çalışan şəhid ailələrinin üzvlərinə maddi dəstək göstərilmişdir.

Bu təşəbbüsün əsas məqsədi Vətənimizin ərazi bütövlüyü və suverenliyi uğrunda canlarından keçmiş qəhrəman şəhidlərimizin əziz xatirəsini ehtiramla yad etmək, onların ailələrinə diqqət və qayğı göstərməkdir. Şəhid ailələri xalqımızın ən dəyərli mənəvi sərvətlərindən biridir və hər zaman dövlətimizin, eləcə də cəmiyyətimizin xüsusi diqqət və qayğısı ilə əhatə olunurlar.

Müqəddəs Qurban bayramı münasibətilə bütün şəhid ailələrinə möhkəm can sağlığı, ailə səadəti, firavanlıq və ruzi-bərəkət arzulayırıq. Qəhrəman şəhidlərimizi dərin hörmət, ehtiram və sonsuz minnətdarlıq hissi ilə anırıq.

Qurban Bayramınız mübarək olsun! Allah bütün şəhidlərimizə rəhmət eləsin, ailələrinə səbir, güc və əmin-amanlıq nəsib etsin.

ETİHİ Yardımlı rayon komitəsi tərəfindən şəhid atası Zayirov Azad Şükür oğlunun 65 illik yubileyi qeyd olundu.

26 may 2026-cı il Dəlləkli kənd ümumi orta ümumtəhsil məktəbinin işçisi, Vətən uğrunda canından keçmiş qəhrəman şəhidimizin atası Zayirov Azad Şükür oğlunun 65 illik yubileyi qeyd olundu.

Tədbirdə YAP Yardımlı Rayon Təşkilatının sədri Anar Alışov, rayon veteranlar təşkilatının sədri Zakir İmanov və rayon ağsaqqallar şurasının sədri Etibar Əməşov iştirak ediblər.

Yubiley münasibətilə öncə Şəhid Zairli Zahidin, birinci Qarabağ müharibəsində Şəhid olmuş Mahir İmanovun və Famil Ziyadovun məzarları ziyarət edilərək əziz xatirəsi dərin ehtiramla yad edildi, ruhuna dualar oxundu.

Daha sonra şəhidimiz Zahid Zairlinin ev muzeyi ziyarət olunaraq onun şərəfli ömür yolu və qəhrəmanlığı bir daha anıldı.

Ömrünün 65 ilini ailəsinə, xalqına və Vətənə layiqli övlad yetişdirməyə həsr etmiş Azad müəllim yubileyi münasibətilə səmimi qəlbdən təbrik edildi, ona möhkəm can sağlığı, uzun ömür və ailə səadəti arzulanıb.

Tədbirin sonunda Zayirov Azad Şükür oğluna xatirə hədiyyəsi təqdim edildi.

Şəhidlərimizin əziz xatirəsi daim qəlbimizdə yaşayacaq.

ETİHİ Yardımlı rayon komitəsi tərəfindən yubiley görüşü keçirilib.

25 may 2026-cı il ETİHİ Yardımlı rayon komitəsi Yardımlı rayonu Şəfəqli kənd S.A.Şabiyev adına tam orta ümumtəhsil məktəbinin müəllimi, əməkdar müəllim Qənbərov Həbib Bəhmən oğlunun anadan olmalarının 65 illik yubileyi münasibətilə görüş keçirilib.

Tədbirdə Yardımlı rayon təhsil sektorunun nümayəndələri və məktəbin kollektivi iştirak ediblər.

Çıxış edən iştirakçılar yubilyarını doğum günü münasibətilə təbrik edərək ona möhkəm can sağlığı, uzun ömür və pedoqoji fəaliyyətlərində yeni uğurlar arzulayıb.

Yubilyar Həbib müəllim ona göstərilən diqqət və səmimi münasibətə görə təşəkkürünü bildirib və qeyd etdi ki, 65 illik yubileyi münasibətilə təşkil olunan görüş və ünvanlanan xoş sözlər onun üçün çox dəyərlidir.

Tədbirin sonunda yubilyara səmərəli peqoqoji fəaliyyəti və 65 illik yubileyi münasibətilə ETİHİ Yardımlı rayon təşkilatı tərəfindən Fəxri Fərman və xatirə hədiyyələri təqdim olunub.

Yardımlıda “İstedadın rəngləri, gələcəyin işığı” adlı sərgi təşkil olunub

Mayın 22-də Yardımlı Rayon Heydər Əliyev Mərkəzində istedadlı uşaqların üzə çıxarılması, onların yaradıcılıq qabiliyyətlərinin inkişaf etdirilməsi və qızların təhsilə daha fəal şəkildə cəlb olunması məqsədilə “İstedadın rəngləri, gələcəyin işığı” adlı əl işləri sərgisi təşkil olunub.

Sərgidə Yardımlı RİH Başçısı aparatının Böyük məsləhətçi – Uşaq hüquqlarının müdafiəsi üzrə komissiyanın məsul katibi Şakir Kərimov, Lənkəran-Astara Regional Təhsil İdarəsinin Yardımlı rayon üzrə Təhsil sektorunun müdiri Kamal Təhməzov, Yardımlı rayon mədəniyyət müəssisələrinin əməkdaşları, Yardımlı rayon Gənclər və İdman Sektorunun kollektivi və ümumtəhsil məktəblərinin müəllim və şagird kollektivi iştirak ediblər.

Sərgidə Anzov kənd tam orta ümumtəhsil məktəbinin şagirdləri Fətullazadə Fidan və Abdulzadə Nəzrinin hazırladıqları bir-birindən maraqlı və zövqlə ərsəyə gətirilmiş əl işləri nümayiş etdirilib. Tədbirdə çıxış edənlər uşaqların yaradıcılıq potensialının inkişaf etdirilməsinin, onların asudə vaxtlarının səmərəli təşkili və təhsilə həvəsləndirilməsinin vacibliyindən bəhs ediblər. Bildirilib ki, bu cür tədbirlər gənc nəslin dünyagörüşünün formalaşmasına, milli-mənəvi dəyərlərə bağlı ruhda yetişməsinə və gələcək uğurlarına mühüm töhfə verir.

Daha sonra iştirakçılar sərgiyə baxış keçirərək nümayiş olunan əl işləri ilə yaxından tanış olublar. Sərgi iştirakçılar tərəfindən böyük maraq və rəğbətlə qarşılanıb.

Tədbirin sonunda Fətullazadə Fidan və Abdulzadə Nəzrin yaradıcılıq fəaliyyətlərinə və sərgidə fəal iştiraklarına görə ETİHİ Yardımlı Rayon Komitəsi tərəfindən “Təşəkkürnamə” və hədiyyələrlə ilə təltif olunublar.

Yardımlı rayonunda Ümummilli Lider Heydər Əliyevin anadan olmasının 103-cü ildönümü münasibətilə tədbir keçirilib.

10 may 2026-cı il tarixdə Yardımlı rayonunda Azərbaycan xalqının Ümummilli Lideri Heydər Əliyevin anadan olmasının 103-cü ildönümü münasibətilə tədbir keçirildi.

Tədbirdə Yardımlı rayonunun təhsil işçilərı, şəhid ailələri, qazilər, müharibə iştirakçılar iştirak etdilər.

Tədbir iştirakçıları əvvəlcə Azərbaycan xalqının Ümummilli Lideri Heydər Əliyevin abidəsi önünə gül dəstələri düzüb, əziz xatirəsini ehtiramla yad ediblər. 

Daha sonra tədbir konsert proqramı ilə davam etdirildi.

ETİHİ Yardımlı rayon komitəsi tərəfindən görkəmli oftalmoloq alim, Akademik Zərifə xanım Əliyevanın anadan olmasının 103-cü ildönümü münasibətilə tədbir keçirilib.

28 aprel 2026-cı il tarixdə Yardımlı Rayon İcra Hakimiyyətinin, Yardımlı Rayon Təhsil Sektorunun və Elm və Təhsil İşçiləri Həmkarlar İttifaqı Yardımlı Rayon Komitəsinin birgə təşkilatçılığı ilə görkəmli oftalmoloq alim, Akademik Zərifə xanım Əliyevanın anadan olmasının 103-cü ildönümü münasibətilə Akademik Zərifə Əliyeva adına 1 nömrəli körpələr evi-uşaq bağçasında tədbir keçirilib.

Tədbirdə Yardımlı RİH Başçısının birinci müavini Azər Xamiyev, aparatın İctimai-siyasi və humanitar məsələlər sektorunun müdiri Elçin Mirzəyev, YAP Yardımlı Rayon Təşkilatının sədri Anar Alışov, Təhsil Sektorunun müdiri Kamal Təhməzli, Elm və Təhsil İşçiləri Həmkarlar İttifaqı Yardımlı Rayon Komitəsinin sədri Azər Əkbərov, ictimaiyyət nümayəndələri və bağçanın kollektivi iştirak ediblər.

Əvvəlcə görkəmli oftalmoloq alim, akademik Zərifə xanım Əliyevanın əziz xatirəsi ehtiramla yad olunub

Çıxış edənlər qeyd ediblər ki, Zərifə xanım Əliyeva görkəmli alim, qayğıkeş həkim və yüksək mənəvi keyfiyyətlərə malik şəxsiyyət kimi xalqımızın yaddaşında daim yaşayır. Onun oftalmologiya sahəsində apardığı elmi tədqiqatlar və qazandığı nailiyyətlər bu gün də öz aktuallığını qoruyur.

Daha sonra körpələr evi-uşaq bağçasının balaca fidanları tərəfindən hazırlanmış mahnı və şeirlər səsləndirilib.

Tədbirin sonunda körpələr evi-uşaq bağçasının balaca fidanlarına və işçilərə hədiyyələr təqdim olunub.

ETİHİ Yardımlı rayon komitəsi tərəfindən növbəti istirahət proqramı təşkil olunub

Elm və Təhsil İşçiləri Həmkarlar İttifaqı Respublika Komitəsinin təşəbbüsü ilə Yardımlı rayonu üzrə təhsil müəssisələrində fəaliyyət göstərən ittifaq üzvləri üçün növbəti istirahət proqramı təşkil olunub.

Belə ki, 25-26 aprel tarixlərində 20 nəfər ittifaq üzvünün iştirakı ilə Quba rayonunda yerləşən “Nazlı Bulaq” istirahət mərkəzinə səfər baş tutub.

Səfər çərçivəsində iştirakçıların həftəsonunun maraqlı və yaddaqalan keçməsi, onların mənəvi istirahətinin təmin olunması, eyni zamanda qarşılıqlı ünsiyyətin və həmrəyliyin daha da möhkəmləndirilməsi məqsədilə müxtəlif tədbirlər həyata keçirilib..

ETİHİ Yardımlı rayon komitəsi tərəfindən yubiley görüşü keçirilib.

21 aprel 2026-cı il ETİHİ Yardımlı rayon komitəsi Yardımlı şəhər M.R.Xaniyev adına 3 nömrəli tam orta ümumtəhsil məktəbinin direktoru Qurbanov Salman Poladxan oğlunun anadan olmalarının 65 illik yubileyi münasibətilə görüş keçirilib.

Tədbirdə Yardımlı rayon təhsil sektorunun nümayəndələri və məktəbin kollektivi iştirak ediblər.

Çıxış edən iştirakçılar yubilyarı doğum günü münasibətilə təbrik edərək ona möhkəm cansağlığı, uzun ömür və pedoqoji fəaliyyətlərində yeni uğurlar arzuladılar.

Yubilyar Salman müəllim ona göstərilən diqqət və səmimi münasibətə görə təşəkkürünü bildirib və qeyd etdi ki, 65 illik yubileyi münasibətilə təşkil olunan görüş və ünvanlanan xoş sözlər onun üçün çox dəyərlidir.

Tədbirin sonunda yubilyara səmərəli peqoqoji fəaliyyəti və 65 illik yubileyi münasibətilə ETİHİ Yardımlı rayon təşkilatı tərəfindən Fəxri Fərman və xatirə hədiyyələri təqdim olunub.

ETİHİ Yardımlı rayon komitəsi tərəfindən Ümummilli Lider Heydər Əliyevin anadan olmasının 103-cü ildönümü münasibətilə təhsil işçiləri arasında şahmat yarışının rayon birinciliyi keçirdi.

10 aprel 2026-cı il tarixdə ETİHİ-nin Yardımlı Rayon Komitəsinin təşkilatçılığı ilə Ümummilli Lider Heydər Əliyevin anadan olmasının 103-cü ildönümü münasibətilə təhsil işçiləri arasında şahmat yarışının rayon birinciliyi keçirilib.

Tədbirdə ETİHİ Yardımlı Rayon Komitəsinin nümayəndələri, UGİŞM-in əməkdaşları və ilk təşkilatlarda fəailiyyət göstərən 16 nəfər şahmat həvəskarları iştirak edib.

Gərgin və maraqlı keçən yarışın qalibləri

I yer-Ağayev İsa Siyab oğlu -Yardımlı rayonu Ostayır kənd M.A.İmanov adına tam orta ümumtəhsil məktəbin müəllimi.

II yer- Cəbili Nəci Mürsəl oğlu-Yardımlı rayonu Arvana kənd tam orta ümumtəhsil məktəbi müəllimi.

III yer-Kamilov Rəsul Rauf oğlu Yardımlı rayonu Bürzünbül kənd tam orta ümumtəhsil məktəbi müəllimi oldu.

Yarışın ümumi nəticələrinə görə Ağayev İsa Respublika Komitəsinin təşkil edəcəyi final yarışında iştirak etmək hüququ qazandı.

Bütün qaliblər ETİHİ Yardımlı Rayon Komitəsi tərəfindən diplom və hədiyyələrlə mükafatlandırıldı.

ETİHİ Yardımlı rayon komitəsi tərəfindən 31 Mart - Azərbaycanlıların Soyqırımı Günü ilə əlaqədar tədbir keçirildi.

31 Mart - Azərbaycanlıların Soyqırımı Günü ilə əlaqədar Azərbaycanlıların Soyqırımı xatirəsi şərəfinə rayonun mərkəzində ucaldılmış abidə kompleksində anım tədbiri keçirilib. Həmin gün təhsil işçiləri, idarə müəssisə və xidmət sahələrinin rəhbərləri, şəhid ailələri, qazilər və ictimaiyyət nümayəndələri abidə kompleksinə baş çəkərək qətliam qurbanlarının xatirəsini ehtiramla yad etməklə abidənin önünə gül dəstələri düzüblər.

ETİHİ Yardımlı rayon komitəsinin ittifaq üzvləri Səməd Vurğun adına Sağlamlıq və İstirahət Mərkəzində oldular.

Elm və Təhsil İşçiləri Həmkarlar İttifaqı Respublika Komitəsinin təşkilatçılığı ilə #Lerik, #Astara və #Yardımlı rayon komitələrinin ilk təşkilat sədrləri bayram tətili günlərində Səməd Vurğun adına Sağlamlıq və İstirahət Mərkəzində həftəsonu istirahətinə qatılıblar.

Üçgünlük səfər çərçivəsində Yardımlı rayon komitəsindən 10 nəfər ittifaq üzvü bu istirahət mərkəzinin onlar üçün yaratdığı imkanlardan istifadə edərək asudə vaxtlarını daha səmərəli keçiriblər. İştirak edən ilk təşkilat sədrləri yaradılan şəraitə görə Elm və Təhsil İşçiləri Həmkarlar İttifaqı Respublika Komitəsinə dərin təşəkkürlərini bildirirlər.